[HAPPYSHARE_最愛是美] 美與健生活博覽2017 直播~ 真係有好多筍野睇丫!! MUST GO!

8月 18, 2017

[HAPPYSHARE_最愛是美] 美與健生活博覽2017 直播~ 真係有好多筍野睇丫!! MUST GO!

哈哈估唔估到隊長B今晚去左邊呢😏😏～比啲提示大家，喺會展嘅，不過唔係美食博覽，而係「美與健生活博覽」呀😆～
於8月17-21日會展舉行💁🏻，匯聚超過80家參展商，展出各類護膚產品、美髮及護髮用品、水療按摩用品及美甲用品等😗～

除左特別設立的台灣🇹🇼同韓國館🇰🇷，今年香港化粧品同業協會仲首度於博覽帶來15家香港企業🇭🇰～全部都推出極筍優惠～絕對值得大家黎參觀架🙆🏻～加上有多位美容達人同大家分享扮靚心得，岩晒黎吸經👸🏻～

好啦，同大家講下部分隊長B去過既攤位啦：

1. 鼎益精密工業有限公司

喺台灣館入面嘅，售賣的是台灣出產的穀麥片﹑燕麥粥﹑黑豆露﹑核桃露等，而隊長B就試左佢地的麥麩松子露，完全不用加糖，小小一杯沖開已經可以當早餐，而且因為麥麩的關係，可以幫助排便，非常有益健康～

2. MiJin Cosmetics

呢間就喺韓國館嘅，主打韓國製造的護膚品尤其面膜～平時喺SASA﹑卓悅見到的DR. XX面膜都可以呢度見到～而呢塊Black sheet就係MJCARE入面最出面的~cutting一流去到眉骨，而且剛剛好fit晒亞洲人面孔，仲要佢地既精華係多到「淋」嘅，可以敷半粒鐘都唔會乾，保濕一絕～

3. Y’s Recipes

著名KOL Yoko Tsang主理的食療及護膚品小檔，相信有睇開brauty報導的sis都應該識佢～而隊長B眼見佢的「纖腰黃金組合」就係非常之受歡迎的！第一日下午就已經賣晒啦！雖然隊長B未真正試過佢地的產品，但係見到咁暢銷，想想自己的大肚肚，真係好想試下丫！

4. Lavender

由韓國手作護膚品創立的品牌Lavender，產品均係採用天然材料製造，加入英國有機Shirley Price香蕪油，針對不同皮膚而設，違到各種美肌效果，就連懷孕媽媽都岩用～就好似隊長B試左嘅幾隻精華，包括藍銅胜鈦同B3精華，質地好易被皮膚吸收，可以刺激膠原生長，岩晒美白同抗衰老使用～仲要完全唔笠架！仲有佢地的香蕉頸鍊造型好得意，隨時都可以relax架呢～

5. 花滴

呢支香水筆相信大家都有喺7仔見過啦，原來係由香港製造架，三款味道包括蘋果花﹑櫻花同綠茶味～三隻味道各有特色，綠茶會淡味少少，係好清新的感覺；蘋果花香係有少少甜味，但唔會太過，好舒服的；而櫻花就好甜甜的女生香，有點似糖味，岩晒唔同性格的女生～走珠設計，除左可以當香水用，仲可以搽身或太陽穴位置，有醒腦提神﹑驅蚊趕蟲的功效～

6. Kimature

同樣屬於香港本地出品，有機草本護膚品牌Kimature專門針對改善暗瘡﹑風疹及敏感皮膚的問題。特別加入金銀花的成份，由大自然而來的草本精華為肌膚還原最初的健康本質。除了可以舒緩敏感，對於收毛孔同補濕都有不錯的作用～黎緊轉季係必備的說！順帶一提佢地的產品連Elle的Editor Karen都有介紹，大家可以放心入貨啦！

7. Osos’s

繼續走天然的路線，隊長B黎到呢個椰子護膚產品屬檔緊係不能錯過索索佢地椰子精華的味道啦～由沖涼洗頭到護膚，甚至食品，全部都係由天然椰子油製造，適合各類膚質使用，包裝packing仲好靚靚好high class，用黎送比朋友仔或者自用都非常OK！特別推介天然椰子BB護膚油，能滋潤皮膚之餘仲可以神奇地卸埋妝，很利害呢！

8. Incoco

唔知大家會唔會有覺得整甲好麻煩但又身痕心癢想去試下的煩惱？隊長B就試過自己屋企整但又handicap整到鬼五馬六咁…不過Incoco就完美解決呢個問題啦！好似痴貼紙咁，過程非常簡單，將美甲貼貼喺手指甲上，多餘的撕走後再用指甲銼整走其他部分，5分鐘搞定easy是也～而且貼紙非常光澤細緻，貼上去可以keep到兩星期架～岩晒懶人！