由頭哇到尾，驚艷爆燈的燒肉放題!
日本燒肉食得多，今次呢間真係由頭哇到尾，驚艷爆燈！ 打正旗號「 鹿兒 島 A4 級薩摩 牛 」，過江龍咁猛料未去食之前已經好有期望，食完真係勁滿足，又係要計劃下一次再來之選！ 100 分鐘任食，老實講，因為時間唔多，而且燒肉需時，如果本身比較慢活的朋友，更加需要有技巧有策略咁落單，因為食物選擇太多，時間過左一半就會發現點解仲有咁多想試既野未試 wkakakakkakakak 尤其 單單係薩摩牛已經有十多款唔同部位，牛五花、里肌肉、牛小排、嫩肩牛等，令人眼花撩亂 好想每一樣都介紹比大家，因為真係每一道菜都好好味，以下揀幾樣特別精選嘅： 薩摩牛 牛五花：超級油脂豐盛，牛味濃郁，還有獨特的奶油香，香氣撲鼻 薩摩牛炙燒 壽司 ： 入口即溶，肉質極嫩滑，而且因為輕輕火炙過，所以更見牛脂香 極品嫩肩牛：原本以為呢個要燒，但店員話可以就甘食，因為其實都已經熟，好似沙律，松露醬超香，果然夠嫩，拌埋紫洋蔥好開胃，甜中帶清爽味道，果然就咁食係最好 薩摩牛露筍卷：以為只是平時的露筍卷那就錯了，因為使用的露筍好爽嫩，極能調和牛味，一個很美味的平衡 鑽石紋牛五花：超大塊的牛胸腹肉切成網狀，原條燒鎖住肉汁，燒好後再切成小塊吃，香口濃郁 元氣蒜香五花肉：果然極牛油 + 蒜香，一燒就將全部蒜香味全逼入五花肉去～ 辣味噌牛舌：厚切的牛舌，配上辣味噌醬，好有口感得黎又惹味 雞心：難得燒肉放題會有雞心，雖然比牛肉係需要燒耐少少，但燒完金黃外皮係好味值得一試的 麻辣牛五花拉麵：如果以後食主食會浪費肚仔 quota 又係另一個大錯 ~ 因為呢個麵真係好好食 ! 拉麵質地彈牙爽滑，湯底係有泡菜口味的辣味，很開胃，而且還有牛五花加乘，必須要試！ 各類壽司：比得上壽司店的級數，帆立貝﹑海膽鮭魚魚子都係推介 最後抹菜蕨餅都係必試甜品～ 唔算甜但好有抹茶味 最後提提大家 100 分鐘有咁嘅滋味時間真係更加快過，所以記得要作戰 Mode 去呵呵！
