[HAPPYSHARE_最愛是美] 一次過KO稻草髮～以後想染就染！Pantene 3 Minute Miracle

【染髮控救星！】一次過KO稻草髮～以後想染就染！Pantene 3 Minute Miracle

認識隊長B的都知，隊長B最中意試新野😏～所以每個月都會更換一次新髮色😂，雖然黎黎去去因為要番工的關係，都唔可以試啲太誇張的顏色😩，每次最多都係染酒紅﹑紫色﹑啡色等…
不過再加埋電髮負離子同埋漂色，又唔會做treatment🙈，久而久之，啲頭髮已經變左稻草咁🌾🌾…
乾旱容易斷﹑仲有分岔的問題🤦🏿‍♀️，但又忍唔到唔去染髮，有時嬲嬲地真係想一把剪晒佢☠️…（講笑mode）最麻煩嘅就係用平時啲家用treatment又笠，夜晚洗完頭第朝又笠左🤢🤢…

呢個灰心之際，就比隊長B遇到Pantene 新出呢支「燙染修護3 Minute Miracle護髮精華素」💁🏻💁🏻💁🏻～

9月先正式上架，但已經成為全港銷量冠軍～每日3分鐘，就可以修護3個月的頭髮累積損傷，係咪睇到已經同隊長B一齊心心眼呢～

二話不說，就等隊長B買番屋企為大家試下啦！來自瑞士的奇蹟成份，包含雙重氨基精華和組氨酸、加上瑞士研發維他命原，質感輕盈好吸收～唔講唔知，原來燙染係會嚴重破壞頭髮結構，造成近2倍的蛋白質流失。而Pantene 3 Minute Miracle配方就針對鎖色修護，修護染燙損傷，形成保護膜圍繞髮絲，抵禦乾枯﹑毛燥～

Pantene 3 Minute Miracle第一分鐘  雙重氨基精華    密集滋潤髮根至髮尾第二分鐘  Pro-V配方       修護毛鱗片減少毛燥第三分鐘  組氨酸深入髮芯  增強防護力

唧出黎同平時的護髮素差不多的質感👶🏼，但多了一種很清新的有啲似橙味，又有啲似糖味的甜甜香味，十分relax🍬～精華好容易推開，在頭髮搓幾下後已經可以feel到精華素快速地入左頭髮內層🌿，感覺就好似導入左精華入髮芯咁👱🏻‍♀️～習慣性地如同平時咁將精華來回搓揉，沖涼之際可以等頭髮慢慢吸收，最後再一次過沖洗～

用前~~ 頭髮係好乾的....

沖洗的時候已經feel到既唔會似普通護髮素咁一洗就無晒，即刻回復番最原始的感覺咁，但係又唔會笠痴痴地漿住啲頭髮，用後的即時感覺完全係可以用潤得黎好爽呢種矛盾黎形容🙈🙈～

吹完頭髮比平時更加柔順💁🏻，唔需要用護髮油已經可以令開叉打結的髮尾滋潤番💗，好似幫頭髮做左一個全面的SPA咁🛀～完美挽救左頭髮損傷的情況🉐～
最最重要的是，第二朝起身都唔會因為出左油再加埋護髮素而變得笠💦，真係咩時間都用得，夏天日日用都無問題🌞！

連續用左一個星期，頭髮極乾的問題改善了不少💃🏻，梳頭時都無之前甩咁多頭髮，髮絲強固左👍🏻，唔使影相已經見到有女神的光環啦呵呵👹（非常厚面皮lol👻～不過係真既～～利申唔好炳禾😳）

用後加番D柔順感~

第2朝起身頭髮依然好好梳, 仲唔會笠!!

------------------------
👍🏻保濕度：8/10
👍🏻修護度：8/10
👍🏻好用度：8.5/10
👍🏻性價比：8.5/10
👍🏻回購度：9/10（比其他家用treatment實在更好😍）
【產品售價】$52.9/180ml

#pantene#3minutemiracle #護髮精華#染燙#漂髮#漂染#頭髮開叉#護髮#護髮素#潘婷#修護#護髮精華素#鎖色

【產品資訊及提供：P&G 】
免責聲明: 是次產品/產品資料由品牌提供，本文章之全部內容均屬個人意見及感受，並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。

❤為食時代_Happyshare每分精彩❤

 相傳上天賜予人類三大神《器》— 

視覺-見盡人間美好 聽覺-聽盡動人聲樂 味覺-嚐盡珍饈百味

「作為萬物之靈。小女子定當竭盡所能」 

❤️愛生活❤️愛健康❤️愛旅行❤️愛分享 

＊分享一切美食及生活瑣事＊ 

happyshare.moments@gmail.com 

歡迎各類合作及交流~ (試用 / 出席活動)

--

Follow Me

Facebook / Instagram