[HAPPYSHARE_搵食重點] 在君怡酒店吃正宗川菜~

跟得隊長B多都知道隊長無辣不歡，上次就帶完大家番廣州去食辣野，今次又同大家食啲近啲貼地啲既，喺香港搵辣食！今次介紹的就係君怡酒店的「川熙樓」～喺酒店入邊，地方自然有翻咁上下檔次，食物質素亦有一定保證～

呢度有川菜同火鍋放題可以選擇，當然兩者都係行中式川味啦，天氣太熱之下隊長B又睇心情做事，唔想食邊爐就揀左小菜啦～（不過其實佢地的邊爐都幾抵，$298一個人，食物選擇即使係大路野但湯底應該有番咁上下正宗，所以都幾吸引架～）

睇睇小菜餐牌，原來都有好多揀擇！兩個人叫左四個菜：（無諗過份量都幾多，完全又係眼闊肚窄，最尾要打包番屋企…）晾衣白肉﹑精品毛血旺﹑麻香千頁豆腐同埋口水雞半隻～

白肉好得意，真係好似人地晾衫咁～一排排連同青瓜片一齊掛在「晾衫竹」上面（呢個造型隊長B之前喺廣州食過一次，無諗過香港都會有呢個造型哈哈）白肉好爽口，連埋青瓜一齊食係有好清爽好FRESH的感覺，而且切得好薄一片，肥瘦適中～所以無論係外型定味道都係必殺的～

毛血旺原本跟餐牌係寫住有黑毛肚﹑鵝腸﹑鴨血﹑蝦仁同午餐肉，但黎到撈一撈發覺原來仲有其他野的，例如魷魚﹑豬腸﹑牛展﹑蓮藕同寬粉哈哈～跟平時食的毛血旺唔同，平日食果啲可能會少啲油，但呢度表層係鋪左一層厚厚的油，主要係因為要保持菜式的溫度，用油去包住成個菜（不過可能香港人就唔太中意啦，但識食都應該要咁食～）味道唔會太咸，成餐都無叫過一碗飯，但都可以照食～辣度足夠，而且惹味～材料全部都好好味，尤其寬粉好滑，吸左紅油之後更加令人欲罷不能～

千頁豆腐好得意，口感彈彈下，雖然無咩豆腐味，係撈埋山椒係有種甜甜的味道，又係會令人食到停唔到口～再食落去，就會覺得似係魚片＋玉子豆腐的混合體，表層滑滑的但咬落去又好有口感，好複雜的關係喔～～～

至於最尾一道口水雞，唔知係咪已經食飽左先送到，再加上唔係太特別，所以唔係太打動到隊長B～不過雞唔榎口，麻醬等配料都比較多，味道都唔差的

--------------
好味指數😋：7.5/10
翻啅指數🙆🏻：7/10
人均消費💰：201-400
服務態度👨🏼‍🍳：7/10
乾淨指數🌝：7/10
-----------------------------------------
川熙樓
尖沙咀金巴利道28號君怡酒店M樓
#hs四川菜#川菜#hs尖沙咀#尖沙咀#食好西#美食#相機食先#食評#hs搵食重點##foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#hs嗜辣怪#Sichuan

❤為食時代_Happyshare每分精彩❤

 相傳上天賜予人類三大神《器》— 

視覺-見盡人間美好 聽覺-聽盡動人聲樂 味覺-嚐盡珍饈百味

「作為萬物之靈。小女子定當竭盡所能」 

❤️愛生活❤️愛健康❤️愛旅行❤️愛分享 

＊分享一切美食及生活瑣事＊ 

happyshare.moments@gmail.com 

歡迎各類合作及交流~ (試用 / 出席活動)

--

Follow Me

Facebook / Instagram