[HAPPYSHARE_搵食重點] 樂園中歡度生日~LOL

其實隊長B生日都過左一個星期有多😅，不過因為呢排太忙都黎唔切同大家分享哈哈，饒恕隊長B辦事不力😂～同大家分享下先，就係呢個「廚師發板」啦👨🏼‍🍳！係咪好有心意呢～兩位起可以order（每位$158），餐廳係可以按大家的意思去整一個屬於你的「發板組合」🤗～用黎周年紀念／生日／XX紀念日真的很不錯～

-----------------------
整個造型尤如一幅畫👩🏻‍🎨，好靚靚，但最好事前打定電話黎卜，大約等30分鐘上菜啦💁🏻～上菜時店員會教大家食的次序同可以點咩醬，款式包括：牛油檸檬汁煎帶子刺身👍🏼，好香牛油味，而且帶子都幾大隻，放入口幾有滿足感；香煎加拿大特大虎蝦🦐，大蝦煎得好香，而且好新鮮，肉質好爽；黑魚子鵝肝多士🦆，黑蟹子有着脆脆的口感，但鵝肝炸過所以無左本來應有的油甘香，有點失色；烈酒煮布冧🍑，布冧甜甜地，食得出有酒味，而且作為starter好醒胃；鹽水煮榮螺🐚，本來係要點wasabi 豉油的，但唔知係隊長B食錯定真係，豉油係生抽黎…真係有點咸😭…不過螺算新鮮；蒜片配香煎安格斯牛柳粒🐮，蒜片好好味～～～而且牛柳好滑，隊長B是十分喜歡這個～蟹棒🦀，店員教點蛋黃醬食，一食先發現佢地的蛋黃醬真係好正🤤！！！有少少辣辣的味道，但好鮮，吊味一流！！！令蟹棒完全變成極品；和風雜菜沙律🥗，唔算特別，不過都OK既；同埋最後的戀之花煙三文魚🐟，嚴格黎講都幾乾…而且相對平時煙三文咸左D…不過花花的造型好襯呢幅畫🖼~

除左呢個「廚師發板」，當然仲有叫其他主菜同野飲啦🍹～因為個「廚師發板」係絕對唔夠食的😶…主菜就係呢個「烤焗西班牙黑毛豬肋骨配薯角」啦！豬柳好滑🐷，無諗過可以咁滑，肥瘦適中，香草加鹽的調味雖然寡左啲，但都唔錯的👌～

加左$35 & $45叫左兩杯特色飲品，一杯「我愛金莎」🍫，一杯「彩虹－藍」～「我愛金莎」真係有粒金莎喺面架～而且朱古力味好濃，但唔算好甜，連隊長B好怕朱古力甜甜味道的都飲多左兩啖，真的好飲🙆🏻！！至於「彩虹－藍」其實唔知係咩組合黎🌈，但test tube 裝住好似柚子藍莓味的藍色糖水的確幾得意，再加雪碧﹑薄荷同荔枝味，又係another gd match🌟!!!

PS 愛貓人士一定要去~~貓貓很可愛的說!!!
--------------------
好味指數😋：7/10
翻啅指數🙆🏻：6.5/10
人均消費💰：201-400
服務態度👨🏼‍🍳：7/10 
乾淨指數🌝：7/10
-------------------------
樂園 happyland
尖沙咀北京道65-69號環球商業大廈2樓
#相機食先 #美食#食好西 #食物#hs隨食西餐 #hs尖沙咀#尖沙咀#西餐#hs中產遊 #意大利飯#咖啡#海鮮#hs搵食重點#桌遊#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#risotto#cafe#latte#coffee#seafood

❤為食時代_Happyshare每分精彩❤

 相傳上天賜予人類三大神《器》— 

視覺-見盡人間美好 聽覺-聽盡動人聲樂 味覺-嚐盡珍饈百味

「作為萬物之靈。小女子定當竭盡所能」 

❤️愛生活❤️愛健康❤️愛旅行❤️愛分享 

＊分享一切美食及生活瑣事＊ 

happyshare.moments@gmail.com 

歡迎各類合作及交流~ (試用 / 出席活動)

--

Follow Me

Facebook / Instagram