[HAPPYSHARE_搵食重點] 很有驚喜的泰印馬菜~值得一去再去!

通常落諾士佛台比人感覺就係食西餐，不同的歐洲菜或者飲野，但原來呢度係有泰﹑印菜食架，仲要水準不錯，隊長B都係宜家先知～原來八掛一下身邊有咩食都有唔錯的發現～

呢間餐廳喺諾士佛台一號，一出美麗華就會見到有棟大廈～上面2樓就係啦～成份menu係超多野食，泰式印度菜馬來菜咩都有，絕對係會諗到頭都大埋架～不過佢地有2人餐同4人餐，懶得用腦嘅人可以考慮叫呢2個～

呢度每樣份量唔算特別多，但味道很好，而且擺碟裝飾都算講究～先來一個頭盤，係有生蝦刺身﹑沙爹雞串燒同炸蟹餅，生蝦大隻而且新鮮，蟹餅雖然唔係好食到蟹味，但蟹肉好爽，香葉碎更能帶出蟹餅鮮味。特別要讚下沙爹串，雞肉好滑，沙爹醬有唔少花生碎，甜甜地的味道很討喜～

青木瓜沙律有少少辣，但係可以接受，木瓜絲完全沾滿了汁料的味道，非常入味～加埋花生碎的香口，未食到主菜已經知道下次會再幫襯！

主菜係四揀一的，有泰式同印度的選擇，隊長B就揀左「紅咖哩大蝦」同「泰式酸甜魚柳」～咖哩蝦中的蝦雖然唔係好大隻，亦唔係有頭蝦，蝦味唔係太夠，但咖哩汁就超入味，完全唔咸，係飲得的咖哩汁～點跟餐的印度薄餅食完全係perfect!!薄餅好香，好煙靭～極度推介！！

至於泰式魚柳，同咕嚕魚差唔多，不過佢唔係用急凍魚柳或者平日果啲

，食得出魚鮮味，而且有細心裝飾過～撈飯一流～

食到最尾到甜品的時間，其實已經好飽，不過有芒果糯米飯，就緊係要捧場下啦！呢度用的是白糯米同紫糯米加麥雙拼，熱辣辣的加埋香滑的椰汁，好有口感亦很好吃！

❤為食時代_Happyshare每分精彩❤

相傳上天賜予人類三大神《器》—

視覺-見盡人間美好聽覺-聽盡動人聲樂味覺-嚐盡珍饈百味

「作為萬物之靈。小女子定當竭盡所能」

❤️愛生活❤️愛健康❤️愛旅行❤️愛分享

＊分享一切美食及生活瑣事＊

happyshare.moments@gmail.com

歡迎各類合作及交流~ (試用 / 出席活動)

Follow Me

HappyShare_moments