[HAPPYSHARE_搵食重點] 繁華中的一個角落
大角咀區雖然唔係特別就腳，但搵食兵團間中都會去八卦下有咩好野食同新餐廳😜～尤其完全諗唔到食咩嘅時候，行過去就到睇下都無妨😎～ 雖然呢間Corner 32唔算新開，但係搵食兵團就從來無試過～內裏位置不多，但的的色色cafe感覺都幾舒服，於是就入去試下啦😚！
------------------
因為隊長B好中意食菇菇😍，所以叫左兩個菇菇大餐：
-焗意大利飯配芝士半熟蛋焗大啡菇配黑醋沙律🥗（$108）
由於佢地嘅野全部都係即叫即整，加上店主話一隻大啡菇工序超繁複，所以味道係超好食的👍🏻👍🏻👍🏻～飯硬度偏濕但蕃茄味超強，初時隊長B都見唔到隻蛋，但原來奧妙在於大菇入面，因為一篤開隻菇就會見到黃色的蛋汁一瀉而出😮～同埋菇菇一齊食好滿足的說～不能用語言表達，但好滑好creamy好惹味🤤～
-芝士大啡菇煙肉全麥漢堡配脆薯條及田園沙律🍟（$98）
薯條架好得意～兩邊裝住唔同嘅醬汁，一邊係茄汁一邊係他他醬，薯條好脆點兩邊醬都好食🌟～好驚喜係個包都係脆嘅，漢堡醬好足夠，不過塊扒就略微唔夠味，亦唔夠juicy，不過仍然好味～
另外再加個菇菇小食～（隊長B懷疑如果有菇菇特飲，隊長B都會揀🙈⋯）
-焗原粒新鮮白菌（芝士、肉醬）🧀（$35）
因為無左白菌所以改左做焗大啡菇～～同大菇飯唔同嘅係，呢個焗菇係有肉醬嘅🙆🏻，相對會多啲層次感不過真係要揀，隊長B其實會中意意大利飯入面個菇菇多啲～因為菇味再濃郁啲😼～同埋滑啲啲～
好啦，論到嘢飲啦～叫左一杯Corner 32🍹（$38） 同一杯牛奶古古力🍫（$30）～Corner 32 造型好似一片綠州，唔知係咪形容間餐廳好似繁華都市嘅一片綠州呢？🏞第一啖飲落都幾酸，非常提神醒胃而且薄荷味都幾重，所以都幾fresh🌱～至於朱奶個比重恰到好處，唔會好甜而且好滑口，抵讚🐮！
留言
張貼留言