[HAPPYSHARE_搵食重點] 原來轉左style 喇 @ 火山燒

與好友行經銅鑼灣，又肚仔餓餓便開始搜尋下有咩好食啦。見到火山燒三個字，即時諗起幾個同事大讚好味道，食到行唔郁既誇張情境，即時咕嚕咕嚕響不停。

上到去，店員好熱情，笑容燦爛，親切有禮咁詢問我地幾多位，是否有訂枱等，一番擾攘後便安排了一個近門口既4人卡位比我地，超好人。因為驚迫促，枱唔夠位，叫食物要就住就住，黎得唔爽。今次安排得十分岩我心水👍👍😬

入座即時，龍飛鳳舞顯示下身手😁😁😁當然唔系表演書法啦。連珠砲發一番後。蹬蹬蹬。。。。所有食物已在我腦海中過慮得乾乾淨淨，好味及回本貨已全數落單，交予店員後，不到5min食物已經車如輪轉地陸續上台。當然，身位為食大家庭既一員，點都唔少得為自己既一番偉業留個倩影既😂😂😂好友只能五體投地話跟我揾食，完全唔會餓死哦😳😳😳

廢話唔多講去片先牛肩肉，牛舌，牛小排等，都好正，由其牛舌更系牛舌心既部位，就系稍為薄了一點點。但唔驚，佢叫幾多黎幾多，店員話唔怕大食王，只怕浪費王，所以大家記得要衡量個人吞吐量，再落單哦，唔好眼闊肚窄，浪費食物就唔好啦系咪先😘😘

食材我最鐘意既有雞肝，雞腎，五花肉，生蠔，青口，吊桶仔，菠蘿等。。。。數唔晒添🤗🤗全部都好新鮮。由其生蠔，雖然細隻的，但卻蠔味十足，真有點想試下生食系咩滋味，但店員曾提醒，蠔要燒熟，不可以生食，以免不適，所以都系唔好亂試，做個遵守規矩既小朋友先😳😳

快樂不知時日過，大擦一餐後，原來已經系9點半有多，夕陽無限好，只是近黄昏。。。我都無晒容量再食了，望下心口對落我小山丘，我深深明白愚公移山，不是一句成語咁簡單，絕對系一個真理黎。
收拾心情及細軟，離枱而去，才發現自己為食既心態絕對掩蓋了我欣賞周圍景色既藝術心😭😭😭😭但無計，人以食為天，美食當前，好難自控。唔知下次帶家人黎一試，會否連老爸老媽姓氏都唔記得呢😂😂😂

-------------------------
好味指數😋：7/10
翻啅指數🙆🏻：6/10
人均消費💰：101-200
服務態度👨🏼‍🍳：6/10
乾淨指數🌝：6/10
-----------------------------------------
火山燒
銅鑼灣駱克道459-461號 The L. Square 9-10樓

#hs日本菜#日本菜#和食#丼飯#刺身 #浜燒#海鮮#海鮮丼#japanese#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#hs中產遊#hs嘆世界#hs搵食重點

❤為食時代_Happyshare每分精彩❤

 相傳上天賜予人類三大神《器》— 

視覺-見盡人間美好 聽覺-聽盡動人聲樂 味覺-嚐盡珍饈百味

「作為萬物之靈。小女子定當竭盡所能」 

❤️愛生活❤️愛健康❤️愛旅行❤️愛分享 

＊分享一切美食及生活瑣事＊ 

happyshare.moments@gmail.com 

歡迎各類合作及交流~ (試用 / 出席活動)

--

Follow Me

Facebook / Instagram