尖沙咀不錯海南菜~

 

好耐無食過海南野~

去到海港城又有見到有外賣優惠就去試下呢間啦!

雖然只係2個人, 但見到個餐牌樣樣都想試, 忍唔住叫左好多lol 但全程都只係等左15分鐘就有得拎, 速度很快, 即刻拎番屋企開餐!

個個試海南雞, 等我試下個新加坡古法黑豉油雞啦~ 打開好有驚喜, 估唔到佢係比雞脾位, 超嫩口, 豉油汁甜甜地好入味, 其實都唔需要另外沾醬已經食到佢個雞味

.

獅城脆蝦卷番到屋企都仲好脆, 作為開胃小食很不錯, 入面都幾有蝦鮮味

椰香海鮮喇沙果然無叫錯, 個湯超級蝦味, 好香好濃但唔算咸, 而且聞到好有椰香味,  除左2隻大蝦都仲有半隻溏心蛋添! 好掛湯, 完全係可以把個湯飲晒

星洲蠔餅都幾多蠔仔, 蛋份量好多; 而參巴蘿蔔糕就很惹味, 有D參巴海鮮醬係面, 好香口, 相信呢2個如果堂食即煮即食會更加好食

最後就係印度手拍酥餅配咖喱汁, 有兩大塊，好煙刱口感很好, 可直接沾咖喱醬食，咖哩汁濃厚, 絕對無得輸!