想食餃子? 輕易「餃掂」!

去開西環，疫情關係夜晚要外賣又好想食餃子，就搵左一間聽聞幾好食的手工餃子店「餃掂」！之前食過佢既生餃子，但我諗買現成既應該又會係另一種滋味～ 

買左好幾隻餃，一次過試均甘多隻味～開心～　

有至尊松茸豬肉餃配狀元九鼎湯﹑元貝豬肉湯餃同埋煎韮菜豬肉餃～

原本仲好擔心因為煎餃外賣番到屋企會淋晒，但餐廳好貼心，係個封口果度剪左個窿仔透氣，即使隔左半粒鐘先番到屋企都仲係脆的！ 

 其實３隻餃我都好中意，但一定要揀一樣既都係元貝餃，一咬開就見到好大粒元貝係入面，真材實料，而且唔痴牙口感很好，海鮮味滲入個餃子度，配埋個狀元湯真係一流，仲健脾補氣添！

既然稱之為至尊松茸豬肉餃，當然夠至尊啦，放入口就咬到松茸質感，提鮮作用滿分，單憑想像都知道好啦～

最後就係個煎餃喇，香脆可口，韮菜味爆發，加埋最愛的菜甫豆豉醬、四川辣醬和醋汁，正！

 最後就係個四川涼皮，雖然番到去有少少結埋一舊，但涼皮煙煙韌韌好有口感，小小麻辣加上微酸的汁料很惹味，配埋花生碎同青瓜絲，值得再試！