果然配得起殊榮！超級好味天婦羅～

一向要試新鮮野既隊長B緊係唔汁輸今日黎到天婦羅聞名既天吉屋😝源於新宿，連續五度蟬聯日本全國丼聯盟全國丼評比大賽之天丼部門金賞獎，實力緊係有番咁上下啦！

簡約木系風裝修，半開放式廚房，置身在內係好有和風feel 😌 坐定飲番杯超濃郁牛蒡茶，即時解渴靜心～ 店員會不斷refill 沙律菜，所以成件事即使食緊炸物都唔會油膩🤪

先介紹必吃既天丼！3種食法，最岩隊長B呢啲貪新鮮既細路😚 第一種係將炸物蘸上清爽蘿蔔泥醬汁吃；推介先食炸蝦同炸紫菜🍤呢度炸蝦同出面既好唔同，除左粉漿好薄好脆仲要打孖上，蝦味超出！

二就係把炸物蓋上米飯，再澆上特製的鹹甜天婦羅醬汁；好中意紅鯛魚，實實在在的口感但咬到入面肉質還嫩😋～

最後一步就係灑上紫菜和Wasabi，再倒上茶湯製成茶泡飯。原本隊長B係唔食wasabi 的，但原來wasabi 配合什錦炸物（應該係洋蔥球🤨）係可以完美提升洋蔥球的甜味，甜甜的再加埋秘製鏗魚湯，係另一個層次享受🤩🤩

之後就到介紹香港限定既軟殻蟹丼🦀話明香港限定緊係必須一試啦！選用厚肉鮮甜的越南軟殼蟹；蟹蟹份量絕對配得上價錢，炸到脆脆的，好吃得沒有不吃的理由🤭隊長B還十分喜歡皇帝菜配搭櫻花蝦炸餅，櫻花蝦鹹香惹味，皇帝菜帶出口感，一絲絲的咬落香口，送飯更一流🥰

-----------------------
好味指數😋：8.5/10
翻啅指數🙆🏻：8/10
人均消費💰：101-200
服務態度👨🏼‍🍳：7.5/10
乾淨指數🌝：7.5/10
-----------------------------------------
天吉屋
旺角朗豪坊10一樓25-29號舖
———————-
#hs中產遊 #hs日本菜#hs旺角#日本菜#旺角#食好西#美食#相機食先#食評#hs搵食重點 #天婦羅 #tempura#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#Japanese