[HAPPYSHARE_搵食重點] 抵食到爆~ 愛蟹人士不能錯過!!!

去開西環食飯見到咁多好野食真係有鋪癮😍，上次試完日本野，愛海鮮的隊長B🐟今次就揀左間中菜～但呢間絕對唔係普通的中菜😌，因為呢度係辣蟹專門店🦀🦀🦀🦀🦀～

入座老闆即介紹唔同款式的蟹蟹🤤幾乎想像到可以整蟹的方法呢度都有😳有辣有唔辣，隊長B就揀左非常中式的唔辣粉絲蟹煲💁🏻蟹煲非常大煲，真正一隻大蟹，而且零件齊全，鮮味十足😝肉質爽口，足見蟹蟹極之新鮮～

除左蟹蟹呢度仲有好多好野食🤤～小至小食刀拍青瓜🥒，到餸菜砵酒蠔、蜜椒龍躉球🐟、蒜蓉炒豆苗、迷你炸豬手，再到主菜醬油臘味炒飯🍚都真心好好食～

青瓜超爽口醋味剛剛好👍，砵酒蠔好夠鑊氣，大大隻蠔有酒香🍶～
龍躉球絕不慳皮，肉質爽嫩，好特別的是以為有好多辣椒伴碟，但實際上一啲都唔辣🙆🏻🙆🏻🙆🏻仲真係有蜜絲蜜餞的味道～

菜苗炒得好岩火候，而且好嫩好嫩，尤其隊長B好中意食豆苗，係食得呵呵笑🙈～
臘味飯粘度適中，好多臘味料，仲要咁大兜只係$68⋯是不是太抵食了😭😭😭😭😭😭！！！

中意食中菜，食蟹，食特色的，隊長B都真心推介呢間😬！寫包單堅好味

---------------------------
好味指數😋：8.5/10
翻啅指數🙆🏻：8.5/10 
人均消費💰：201-400
服務態度👨🏼‍🍳：8/10 
乾淨指數🌝：7/10
-----------------------------------------
百味鮮辣蟹專門店
西環石塘咀德輔道西434號均益大廈1期地下
------------------
#相機食先 #美食#食好西 #食物#hs廣東菜#hs西環#西環#廣東菜#辣蟹#小炒#辣蟹#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#seafood #cantonese#hs搵食重點