超級高質好味嘅台式麻辣鍋~ 牛迷必去!🐮🐮🐮

 

好開心呀！！！！！！！！！！

終於卜到牛大人兼成功到訪！！！！之前一直都好想食。。。但係完全無機會卜到。。。網上訂座又要超爆。。雖然受疫情影響無左晚上，今次淨係卜到午市，但去到朝聖已經好開心啦！！！！！！！！

一直聽聞牛大人不得之了，一試果然名不虛傳！

第一次緊係要佢個招牌麻辣鍋兼最上級果個「極上和牛吃到飽」套餐啦！任叫任食只係$198……唔敢叫太辣所以都係少少地小辣好了～唔好以為午市比晚市成舊水有多就無野食，實情係食到捧住肚皮走哈哈哈

本身已經可以係ipad 度叫唔同丸丸同牛肉，有上腹牛五花﹑安格斯牛板鍵﹑澳洲M5牛肩卷﹑西班牙豬同台式滷大腸牛筋牛肚同蟹籽墨汁漿同干貝鮮魚漿等，仲可以走出去再拎其他火鍋配料，五十幾種，真係多到食都食唔晒，而且當中絕大部分都係台灣直送，好似鴨血﹑手打花枝漿、蛋餃﹑王子麵等，相當豐富。

先講個牛，淨係牛都有好幾種，而且超超超有牛味，平時出去食一碟碟叫果Ｄ都未必有呢個質素，一大片放入口果種牛味四溢係難以形容甘正，超高質！大腸唔會好肥，清洗得相當乾淨，牛筋入味淋口，果然係台式火鍋必備～墨汁漿同鮮魚漿好彈牙，而且鮮味十足，手打自家製果然真材實料！

等食材煮熟之際，隊長Ｂ又點會錯過任何一個機會呢！事關呢度仲有台灣直送小食好似鹽酥雞、甜不辣﹑小香腸同魯肉飯等，食下食下彷彿置身於台灣夜市，即使疫情無得飛都一樣享受到台灣美食呀！

最後隊長Ｂ必定分享的還有超級好飲的冷泡茶，４種口味，全部都超濃，岩晒解辣兼油膩～最中意桂花烏龍同白桃烏龍，打開樽蓋桂花白桃既味道即時散發出黎，花天酒地原來係甘解～