秋風起 ~大閘蟹時節到!

 

秋風起 估一樣必食嘅嘢🤪～無錯！就係大閘蟹啦！

大閘蟹總係有無窮嘅魔力，尤其唔同口味嘅更加想試～所以今日同隊員W黎到麻辣風雲🤤一試佢地果個「反傳統口味」嘅大閘蟹餐🥰🥰

呢個大閘蟹餐巴閉啦，有4.8.12 隻組合，2個人就驚食唔晒揀左個4隻餐（雖然之後發現呢個考慮完全是多餘）
4隻餐有4隻大閘蟹，寫住話每隻都有大約4両重，然後仲有呢度嘅招牌魚（可以揀酸菜魚、水煮魚同金湯魚），一個蠔油或蒜蓉炒時菜，菜嘅選擇好多，我地揀左很爽脆的蒜蓉炒萵苣～

先講下啲蟹，隻隻爆膏無呃人，而且都夠重秤，揀左香辣同麻辣兩隻味～同平時清蒸嘅好唔同，食落除左有蟹油鮮甜滿足感，仲有輕輕的辣味，尤其麻辣，蟹身同蟹腳位更加明顯🤩好過癮食得！連埋極濃厚嘅蟹羔，多重味道好鬼正！轉眼就食完2隻⋯意猶未盡🥺

跟住就係嘆個魚嘅時候，揀左酸菜魚，有啲後悔淨係揀左小辣，因為唔夠辣味🤣食得辣既應該放膽叫！湯底好清香，唔會太咸，酸菜酸而清甜，呷一口湯：舒暢生魚肉厚而滑，好似剛剛灼過一樣滑嫩，不錯～

為免隊員W肚餓，再叫左個螞蟻上樹，雖然辣度不夠，但幾有鑊氣嘅
最後食完仲有薑茶及紅棗糕，薑茶非常濃郁，十足夠薑，紅棗糕亦好煙靭，作為飯後甜品，恰到養生好處️

好味指數：7/10
翻啅指數🏻：7/10
人均消費：201-400
服務態度🏼‍：7/10
乾淨指數：7/10
-----------------------------------------
麻辣風雲
荃灣海壩街108-114號荃碧大廈1樓
———----
#相機食先 #美食 #食好西 #食物 #hs四川菜 #hs四川菜#四川菜 #水煮魚 #大閘蟹 #foodporn#foodreview#hkigfood#foodiehk #hongkongfood#hkfood#foodhk#hkblog#hkfoodblog#seafood #sichuan #hs搵食重點 #hs荃灣 #荃灣 #crab