食得開心又盡興!! @八幡屋涮涮鍋

番工咁辛苦都係搵餐食姐，放工餓爆想一次過食晒唔同嘅嘢，放題任食一定岩晒！呢間次次經過樓下都想試，今日終於去到，可以食晒火鍋，放題同自助餐，仲可以openrice 訂位好方便

一坐低咩都唔使講，揀完湯底就即刻有首輪野食！幾種靚刺身，海鮮火鍋盤同紋理靚仔嘅澳洲和牛拼盤，開心開心～刺身新鮮，中意佢哋個虎蝦汁，較得唔錯，好開胃！和牛肉味香濃，好嫩滑，可惜無任食，因為真係好好食！海鮮盤蝦蜆聖子帶子咩都齊，又無沙，又大粒，抵呀！

食完首輪，就可以瘋狂手機落柯打，基本上除左和牛無得再叫其他都可以繼續添～

而且出面仲有好多其他丸類，麵同菜菜自己拎，仲有壽司同甜品，個黑松露丸好味！而且仲有天婦羅同燒物叫，天婦羅好脆～

最後仲有唔同款既雪糕，出面都未必見到架！個港式奶茶味一定要試，奶味十足茶味香濃，推介！