超級抵食! 真心推介高質放題邊爐

近排成日都好想食放題同任食邊爐，唔知係咪大食左好多🌚🌚成日都想食食食⋯新研究觀塘有間地方唔算起眼，但非常值得推介既任食「千賀水產鮮鍋道場」，爆在6小時任食，真係食到世界末日😂

食物方面，一坐低就有海鮮盛合「旬の海鮮盛合」，全部靚料👍🏻，又有鮑魚又有北寄貝；刺身拼盤亦係，有三文魚、希靈魚、北寄貝、赤蝦，每一件刺身都係厚切，蝦肉仲非常彈牙鮮甜🦐

之後要介紹任呢款「極上安格斯牛小排🐮」 ，色澤好靚好鮮紅，肉須肥瘦均勻，淥完仲有濃濃牛味，又滑又有肉感😌真係不得了！

除左睇紙仔食啲咩，仲有出面任拎自助餐模式既野食大把有得拎，熟食壽司海鮮扒類應有盡有，連蟹腳都有得拎🤤估佢唔到！仲有好多點心，炸物，都唔係hea 料全部都好有驚喜！

最尾都要講番下個湯底，叫左鴛鴦鍋底，一邊胡椒豬肚湯，一邊昆布干貝清湯，胡椒豬肚湯真係有豬肚係入面，仲要好爽嫩入味，個昆布湯又夠清甜，烚海鮮最正！🤪🤪🤪總括嚟講呢度淨得兩個字形容：超值！值得再黎😋

好味指數😋：8/10
翻啅指數🙆🏻：8/10
人均消費💰：201-400
服務態度👨🏼‍🍳：7.5/10
乾淨指數🌝：7/10
-----------------------------------------
千賀水產鮮鍋道場
觀塘廣場15樓